على البحر طفشان قلت اعدي
من ضيقتي ويش الذي ماجاني
:
من ضيقتي واصل تراني حدي
والموت اخذ مني اعز أخواني
:
احس أنا كل شي واقف ضدي
حزين ، واشكي للبحر واعاني
:
شاعر ومبدع بالشعر من قدي
لا كن ماتدري عن كثير احزاني
:
غموض في مزحي معاك وجدي
احاول اخفي عنك وجهن ثاني
:
ماودي ابين لـ احد .. ماودي
تعودت نفسي على كتماني
:
لو كان نفسي والامور بيدي !!
ماشفتني عند البحر وحداني
:
أجي من الضيقه وابيح سدي
لاضقت افضفض للبحر تلقاني
:
كن البحر ، ياخذ معاي ويدي ..
إحساس في هذا البحر رباني
:
يقول مرضي ليش تحزن هدي
عمر الحزن فاني وعمرك فاني
:
مثلك انا في جزري وفي مدي
والناس ترمي حزنها بإحضاني
: