اقتباس:
المشاركة الأصلية كتبت بواسطة أحمد عبيد العدواني
صباح الخير
لقلوبكم النقيه
تلاشى الفرح واصبحت انا والهموم اصحاب
على وين ماوجّه همومي تخاويني
اهوجس من البارح وانا خاطري مرتاب
اخبّي همومي والتعـب بيّن بـــــعيني
الا واشقا قلبي من مفارق الاحباب
عن غيابك اللي علّني وش يسليني؟
رحلتي وتركتي لي بقايا ألم وعتاب
وانا ماهقيت انك بسرعه تخليني
قويه على قلبي تصدين دون اسباب
وصعبه علي نسيان ماكان يعنيني
اكابر وجرحي من رحلتي وهو ماطاب
انا كيف ابنسى ياغلاي اجمل سنيني
تعودت لاغبتي تحنين بعد غياب
يجيبك وله واحساس بالحيل يغريني
ولكن تماديتي وظن المولع خاب
وياشينها لاخاب ظني بمغليني
ماهو ذنبي اني في حياتي ماني كذاب
احب الصراحه لو ثمنها تناسيني |
الجميل شعراً / أحمد العدواني
أرى أنك أنت والشعر المتماسك أحباب وهذا النص العاطفي الغارق بالألم الذاتي خير دليل
ـــــــــــــــــــــ
هوجس أيها العدواني الجميل فهواجيسك تتبلور لتهدينا من خلالك الشعر الصافي
أبعد الله عنك الهموم يااحمد وكل التحايا لقلبك الممتليء بالحب والعشق