(يموج)البحر / ويشِق الفضا / موجه ولايلقاه
سوى عينً (تموّج) دمعها من (لوعة الفرقا)
ــــــــــ
على اللي فارق عيوني/ وحملني سبب فرقاه
تحملته شقا / واوحيت له / بالله لاتشقى
ـــــــــــــ
انادرع الشقا دونه / وانا زاده/وانا مسقاه
وانا اللي بالوفا يبقى عمر/ لوكان مايبقى
ـــــــــــ
حبيبي والبحر يذرف دموع (اخر الم )غرقاه
دموع ً ودها تلثم خطاوي (رحلة الغرقى)
ـــــــــــ
ولاهي كل عين ٍ تشرب امواج البحر تشقاه
ونبض الموج يرقى بالفضا / والدمع مايرقى
ــــــــــــــ
ولاباقي شقا تتخيله عيني ..!ولاتلقاه
ولاباقي خيال الاتقهويته ...من الفرقا..!
ـــــــــــ
يغربني وطن/ وانا عجزت استوطنه وابقاه..!
لو اني جيت بالخل الوفي /والغول /والعنقا
ـــــــــــــ
تظللني السما/ واحساسي امواج البحر ترقااه
وتطهرني من ذنوبي/ دموع الغيمة الزرقا
ـــــــــــــ
تجمّر قلبي بصدري/ ولكن ماشكى حرقاه
لغيرالشط /وامواج البحور/ وريحة الغرقى
/
/