[عبدالله سماح المجلاد]

المشاركة الأصلية كتبت بواسطة رحيل عواد

[poem=font=",6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحه خايلت برقٍ يلوحي=يم الديار اللي عزيزين أهلها
يلله عسى سيله يعم السفوحي=وديانها واجبالها مع سَهلها
اللي غلاها صار بلسم جروحي=واللي رُبى باحضانها ماخذلها
(نجد)العذيه كل ماجي واروحي=هي ديرتي مالي بديلٍ بدلها
دارٍ هواها صار بلسم جروحي=لاحل بالأرض الربيع وشملها
يازين شَم انسام عطرٍ يفوحي=الياختلط ورد الربيع ابنفلها
عقب المطر للبر كلٍ يروحي=اللي سرى واللي اعفوشه حملها
مستانسينٍ بين ضحك ومزوحي=في روضةٍ ياسِعد منهو نزلها
الله على القهوه وهيله يفوحي=في دلةٍ يوم السنافي عملها
قرمٍ اسنافيٍ ضحوكٍ مزوحي=مابان في نفسه بوادر مللها
[/poem]

ـــــــ
وفي هذا النص يابوعواد أختلط ورد الربيع الزاهي بربيعك الشعري الباهي فأصبحت الأرض تسر الناظرين
هذا النص النابع من الذات والمتمركز حول محاكاة الطبيعه وتذكّر الديار حمل كل ألوان الطيف فكان قوس قزح ملء البصر فلله كم كنت رائع ياشاعري الأنقى