[وليد العمودي]

[POEM="font="Simplified Arabic,4,darkred,bold,normal" bkcolor="transparent" bkimage="" border="solid,1,firebrick" type=2 line=1 align=center use=ex num="0,black""]

..
..
..
..

قالت : صغير وينـك وويـن الاشعـار=توّك ولد عـودك مـن الشعـر ذايـب
قلت العفو : شوفي قصيـدي بالانظـار=تلقيـن فـي شعـري كثيـر الغرايـب
قطفت من روض الشعر حلـو الاثمـار=جهـدٍ طبيعـي مايسـمـى عجـايـب
احفظ بحـور منهـا الالبـاب تحتـار=اكتب علـى كـل البحـور الصعايـب
شاعر (عمودي) (شمري) نسل الاحرار=مـن لابـةٍ تعـرف نهـار المصايـب
صار اتكوّن حولـي احـزاب وانصـار=وانـا صغيـر السـن مانـي بشايـب
يا ( بنت )فرق الشعر ما هو بالاعمـار=المعرفـه بيـن الخـلايـق وهـايـب
شعري جزل غصبٍ علـى كـل غيّـار=اللـي مـن الغيـره يشـب الحرايـب
مادام شعـري صـح يُبنـى بالافكـار=واكتب شعر مـوزون يلهـب لهايـب
تطرب لها الاسماع في سـر وجهـار=وتثني عليه النـاس حاضـر وغايـب
يامـا التمسنـا للحواسيـد الاعــذار=وقلنـا نعاملـهـم تعـامـل حبـايـب
لاشـك زاد الكيـل مـن كـل ثرثـار=مجبور اقـول الحـق مانـي بهايـب
حَطو على الساحه سياجـات واسـوار=مابـاقـي الاّ يمنـعـون الهـبـايـب
عن غيرهم..وامسوا دخاخين وغبـار=دخـان وغبـارٍ يحجـب السحـايـب
وان ما بغوا كثر الخسايـر والاضـرار=يسلـمـون الاسلـحـه والحقـايـب
هذا تـراه اخـر رجـاء واخـر انـذار=ولاّ ( الكتايـب ) تلتحـم ( بالكتايـب)
عندي شراسة ذيب في كـل مضمـار=ولحون ابـن لعبـون فـوق الركايـب
وصبرٍ مثل صبر المهادي على الجـار=لاشك صبـري فـي جميـع النوايـب
واللي يقـول انـي صغيـرٍ بالاشعـار=لا قال: ( تايب ) قلت: انا عنك ( تايب)

..
..
..
وليد العمودي[/POEM]

وليد العمودي