السلام عليكم ورحمة الله وبركاته ...
اأسعد لله أوقاتكم جميعا بالافراح ...
ياحظ من هو بكيفه يكتم الغيض
وليا بغى مايبالي .. مايبالي
اصبر من الطلح لامن مسّه القيض
شف الظما يقتله ويموت عالي
انفوسنا دايما تحتاج ترويض
ماكل من نصدفه صدره شمالي
لو كل من راح نقبل فيه تعويض
ماشفت دمعي يسيل لفقد غالي
بعض العبارات تغني عن معاريض
لوكان مايُختصر حكي ٍ ببالي
واللي عطو لـ ألسنتهم كرت تفويض
لـ النيل منّي وانا داله وسالي
مافي مبرر ولافي اي تحريضً
إلّا الحسد و التكبر والتعالي
قلوبهم سود لوّ ثيابهم بيض
تبغى تحقق هدفها من خلالي
عطاالله ممدوح
@alaataaa