صدقا
شهق
هالياسمين اللي مسجّّى في ضلوعي شوق
وتبعثر حبق
صدقا غرق
لمّا رماه الفجر خلسة حب
دقّة قلب
وتناسل ورق
صوتك حزين
وبحّته تنزف زهق
ينبت على طين العيون اللي ضناها الوقت
وأودعها عرق
يغسل مسامات الغياب
ويرتمي
مشلوووول واحساسه غريب
وداخله شحنة قلق
حتى زعق
يا ليل عفوا لا تطوّل ف السهر!
يا ليل يكفيني ألم...
يا ليل يكفيني جمر...
يا ليل يكفيني أرق!!
يا ليل تدري كيف يمضي بي العمر؟
تدري عيوني كيف تنده للغياب أرجوك
ما فيني صبر!
والله قهر،،،
جفني وهو جفن السهر،والوجد،والشوق المطر
يا ليل جفني مختنق....
ياليل تعرف كيف أسرق من زواياك الحياه؟
وكيف أتعلل وأمر!
تعرف أنا وش كثر ذللّته صبا
هالقلب اللي منكسر:..
والله يا ليل المشاعر والشعر
والله لو تدري تسويلي خِدر
وهناك عند الصمت ترسم لي جسر،،،
وأعبر
على حلمي
وإن ضاقت طرق
ياليل ما فيني عِرق
إلا وينبض بي هوى
إلا ويعصف بي عطر
إلاّ
وأضمّه واحترق
إلاّ
وأظما ،وأحترق
يا هو أرق؟
يا هو أرق!!!