ياليل/ وابليس في صدري يزيد النزغ
كلما حضرت واشوفك خالي الكفين
أعوذ بالله/ واسمّي / والتهي بالتبغ
واقول / بدري .. ومن بدري تجي وبعدين
ياليل / واحلامي البيضا تخاف الدبغ
من لونك المستبد .. بعيني الثنتين
ظلام جوعان .. يتلذذ / بحالي مضغ
وتضيع منّي مراود ضي هذي العين
مابين أوراقي اتخطى .. واخاف اللدغ
من شي قلته ونسيته بينها من اسنين
ليه..؟/ السؤال الذي تضرب حروفه الصدغ
يمكن ألاقي الإجابه .. لو حرقت الطين