بلهجة الطفولة
سامي جرحت يديك ياسامي
.......................سامي وليش الدم مو أحمر
قلت الشعر فيني اهو الدامي
............................أزرق نزيفه بالورق يقطر
سامي على رسلك مع احلامك
................................لالا تعجّلها وماتوصل
ارسم رجاها فـ دفتر ايامك
......................واكتب : اذا ماجت انا بوصل
استرجع ايامي وانا المنسي
.....................واللي نستني بنت مجنونه
يابنت وينك من بعد أمسي
.....................صرتي مع النسيان مفتونه
ماغيرها امّي بعد نفسي
............................قالت :ولِيدي لاتطقّونه
وتجي
عيني
وتقطر قطره وقطره
على سطح الورق
تنبت
اماني
وقطره تنبت
رجاوي
وقطره تنبت
ي د ي ن تقول :
ياسامي .. ! ـ
فداك العمر ياسامي
وتغرق صفحتي من ذكرياتي
* مع باقة شكر وامتنان لشطحات فهد عافت على نشرها
ألف تحيّة لكم ولقلوبكم