[ريم العبدالرحمن]

المشاركة الأصلية كتبت بواسطة سلطان الوثر

السلام عليكم ،
لهذا العطر العزيز ( أبعاد )
هنا أعود كلما هزّني وجدٌ ...... الخ













ياحمام
الشوق مثلك ياحمام
له هدييييلًِ لْيا هَدَل به ماهَدَل

لكن انت يخمَّك الليل وتنام
مايوفّي بك جناحك للزجل

طِير ياسرب المواجع بالظلام
الصباح اقسى عذول ليا انعذل

غنّ للمحبوب جرحي والهيام
لين يثبت كل نجم ٍ ما أفل

إعزفه
لين يترنَّم بالعظام
مابقى بي جرح طيّب ما اندمل



وليل



يالييييل



ياااا







ليل .. ياسِتْرَ الملامَ عْن الملام
أصبَرْ نجومك على صمتك .. زُحلْ

أنت لا حلّيت في بدر التمام
لاتحاسبني على ذنب الغزل

زِين زوله لاتكحّل باللثام
كل مافيني على عطره .. ثِمَلْ

وده يسلم ولا قال السلام
وادري ان الوقت حدّه واعتجل

ينشد يديني عن جروحي : كلام!?
قلت يفداك الجمل فيما حمل

شاعر ولي بالشعر قام ومقام
يطرق النابغ لي اذن بْلا ملل

لا استفزّ البرق مرزوم الغمام
كل عرق يبلّه البارق خجل

وانت بالنشوة تعدّيت التمام
يانع الإقبال .. فتَّان الكلل

كل ماميّٓل طموحك للامام
الامام يفيض لك كله سهل



بس ودّي .....!!



ودي تضمد جروحي لين انام
قبل لايطير الحمام اللي هدل




#س_و

..

مصافحة أولى
أغراني الحمام وشوق الحمام وهديل الحمام فجاءت هذه المشاعر تأثرا بالشجن

اقبلوها كما هي


الشوق مثلك ياحمام= له هديل أليا هدل به ماهدل
مير أنت يا رمز السلام =تفرد جناحيك وتفل
تعانق أطراف الغمام= وتمر وديان وسهل
ماعشت في الدنيامظام= ولا جرحك دمع نزل
ولاعشت تبكي من الأنام= ولاعذبك خل رحل
شفني على هاك الحطام=يائس ولا عندي أمل
مليان قلبي من الملام= مع حزن وشوية وجل
فارغ ولكن به زحام=مزحوم ألام وملل
أطبطب جروحي بنام= وأفز من نومي عجل
لا صمت ينفع لا كلام=لاحب يغريني وغزل
بس أششش ياصوت الغرام= ماعاد يغريني الوصل
بعانق أسراب الحمام= وأفرد جناحيني وأفل