تحية طيبة وبعد
قبل أيام في أحد المجالس دار حديث _ لا تحبه النساء _ وهو تعدد الزوجات
فقال أحد الموجودين : لماذ المرأه تغضب إذا فكر زوجها بالزواج عليها ؟
وقال آخر : لماذا دائماً الزوجة تقول بأنها أفضل النساء على الإطلاق ؟
وطلب مني المشاركة فقلت : مشاركتي ستكون بقصيدة ستقرؤنها قريباً بإذن الله
وهذه هي القصيدة
تعدد الزوجات
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]ودي أنا اسأل ليه انتي تقولين=ليه الرجل يعرس على الاوليه
هل هو فسق واللا يدور عن الزين=مع اني أحلى من وجد بالبريه
معقول أنا قصرت بالحق يازين=واللا معك صارت حظوظي رديه
مدري لحاجه تجمع اليوم ثنتين=واللا مراجلكم علينا قويه
ورايح تدور ثالثه بعد يومين=والرابعه ياقربها مستويه
وياليت أنا أعرف بس وش تستفيدين=لا قلتي شوفوا راح ياخذ عليه
هذا ترى ماهو سؤالي ! أجل مين ؟=هذا سؤال اللي طبوعه شكيه
اليوم أنا بابين الحق تبيين=واذكر كلام الصدق مع حسن نيه
لو لك رفيقن من أعز العزيزين=تنكر لعرفك تراها قويه
وش موقفك ؟ حتى ولو راحت سنين=صعبه تبي تغفر وتنسى الخطيه
وتلومهن وانت السبب هن مسايكين=يوخذ عليهن دون جرم وخطيه
واللا تقول انك تبي تتبع الدين=هو ما باقي بالدين ياكود ذيه
الدين وصى خيركم للنساوين=الله ذاكرها وسنة نبيه
هو قال كونو يالرجاجيل قاسمين=جازوا عمايل طيباتن بسيه ؟
تسكنك في داخل القلب والعين=تلقا الجزاء منك جحود وأذيه
لكن لوهي قصرت بالمحاسين=حاول تعدلها ولو هي عصيه
هن طيبات وعاقلات ومزايين=يبغن حياة الزوج دايم هنيه
مير البلا في تابعات الشياطين=تفرح ليا صارت حياتك شقيه
ذولي يبن الطاق مدبول طاقين=بدال وحده أربعن لك سويه
أقصد أنا اللي تسعد الزوج ياحسين=اللي تكد الروح صبح وعشيه
ودي تفكر في فعايلك ذي زين=احذر من الميلات والعنجهيه
في يوم تازن مافعلته موازين=عند الإله اللي يعرف الخفيه
وختامها صلو عداد المصلين=على النبي اللي شفيع البريه[/POEM]
القصيدة الصوتيه