" الفلسفة "
بيت الشعــــــــــــــــر اللي ضعيفة اسقفه
ما يسكنه ابداع وأسقفته ضعــــــــــــــاف
قل للمقــــــــــــــــــــــــاول في بناه يغلفه
عن لا يطيح البيت من رشــــــــــة نفاف
ويبنيه من فكــــــــــــــــــر وثقافه وفلسفه
ويهندسه من وعي وثيابه عفـــــــــــــاف
كم شعر عاني من قوافــــــــــــــي مسلفه
شاعره ما ينزف سوى حروف (ن) كفاف
مثل النخــــــــــــل واللي ما يعرف يخرفه
احسن يتركه وتصبــــــــــــــح يدينه نظاف
يا كوكب الشعــــــــــــــار سمعوا السالفه
بعض العــــرب سارو على حد الضفاف
لأنه دخـــــــــــــــــــول العمق فعل يكلفه
وما يروي الاحساس وشعــــــوره جفاف
الفلسفة شعـــــــــــــر وموسيقى وعاطفه
طـــــــــــــواشها ما جابها مجرد خطاف
مثل الجـــــــــــــــواهر في عقد متصففه
هيه عروس افكـــــــــارنا فوقت الزفاف
ولو جاءتنا ابيـــــــــــــــــــاتها متراجفه
اطلقتها وعطيتها مقفى وكتــــــــــــــاف
هذي القصيــــــــــــــــدة جاتكم متفلسفة
ما همها يجيها مطــــــــــــــر ولا نفاف