[عبدالله البطي]

حبك غضي واحساسك أشبه بحالوب
مانجبر الناسي علي ما اهتدينا
وان قلتلي توبة غلا عنك اتوب
من حبك وجورك عطا مالقينا
مالي عن المكتوب والبعد مكتوب
يلي تبيع الود وحنا شرينا
...
كم مره اسامح سواليفك العوب
والعين منك دمع غصبن بكينا
ماكني إلا الكوب ياساكب الكوب
تملاه بوعودك ويبقي حدينا
...
شفت الورق وشلون للغي منسوب
قصايدي بالحب تسأل يدينا
بسبابها أفعالك محل منها الجوب
حتى المطر بالغيم عيا يجينا
...
ضامي فلا يبكي مطر سافيه طوب
نسكت وحنا بالجروح اكتفينا
لو يكتفي يرجع وهو منك منهوب
ياليتنا بالحب لو ما ابتدينا
...
مغلوب يالعاشق معي الوقت مغلوب
لو كان سطو الحظ كان انتهينا
ماهو علي شاني لبستي لي الثوب
من شان عين اللي بعينك نسينا
...
لو هو علي حظي معي الوقت بتوب
وانساك ماكنا لشوفك رجينا
لكن معي حظي وقفتي ومكتوب
ندفن أحاسيس الزمان بيدينا