.
يامذهــله ياللي تربعـــتي على عـــرش الجمــال
يا اغـــلا ملاك (ن) في رحاب الكون كله واجمله
أنتِ لحــــالك مملكة للحســن و اســــراف الدلال
ياتـــاج راس الحســـن يا ذروة سنـــــامه واكمله
احرقتي قلــــوب النســا حـــيرتي عقـــول الرجال
سويتـــي اللي ما تســــويه السيـــــوف المصقله
من شــــــاهدك لد النــظر لو كان في يــوم القتال
ما عــــاد همه غير شوفــــــــك لو عـدوه جنـدله
ذبحتي العشـــــاق بسهــــــــوم المهاديب الطـوال
النعاســــات الســـاحرات الفــــاتنـاـت المسبـله
الورد يتبـسم بوجــنـــــه كالبـــــدر ليـلة كمــال
واللي يشـــوف التوت من فـوق اللآلي يذهله
لا ذعذع الغـربي تثـنى غصــنـك المـايس ومــال
العـين مالت والـقـلوب مـــــــع العيـون مميــــله
صدفه لمحتك وانكوى قلبي ودمـع العين ســـال
كني كسير السـاق في ممشــــاي ياكـود انقــــله
دخلت من بـاب الصــدف واقفيت من باب المحال
شرعت في بحــــر الهـوى واثر اليخـوت مطــوله
غرقت بامواج البحــر وأنتِ على شـــط الرمـال
الطــــوق بيــدينـك وانا ميت غــرق .. اتأمــــله
امسيت حالم والفكـــر يبنيك من نســــج الخيــال
وابطـيت ماعنـــدي خيـــال الا لقـــاك اتخيــــله
فرشـت لك عين وهـدب .. فينــي ولا قلتي تعـال
مديت قلــــبي للطعــون .. وكـل جـرح اتحـمــله
جيتك وانا كلي ألـم ما جيت لك من طيب حـــال
جيتـك عيـــوني من صواديف الليــالي مهمـله
جيت اتوقا عن سمـوم القيظ وابني بك ظــلال
جيت اخـذ لجـرهد زمـاني من حنانك بوصــــله
جيت اطوي أبعاد المسافه شوق عاشق للوصـال
جيت انصر الخفاق من جور السنين الممحـــله
اسرفتي بصـدك وانا ما عـاد بي قو احتمـــال
الي متى بصبر على جمـر المفـارق والـــــوله
غرست لك بذرة وفـا لين اثمرة والغصن طـــال
واسقيتني من كـف يمنـــاك السـمـوم مهيــــله
حتى الامـل ذابت شمـوعه في دياجـير الليــــال
الي مـتى تبـكي دياجـير الأمـــل يا مذهــــله
.