[عبدالعزيز سحل]

الى الاخ العزيز / خلف الفقير مع التحيه

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
البندق اللي يا خلف تخطي الصيد = ماشالها راع البخت في مضيفه
ما طبت الا في يدين المقاريد = اطنخهم الخبل السفيه الهديفه
وانا يبو خالد توغلت بالبيد = ودخلت في ضلع الرمال المخيفه
نزلت بالصحراء بليا مواريد = متحديا ظلم السنين الكفيفه
نطحت بيديني رصاص البواريد = ماهي شجاعة داخل القلب خيفه
واجهت لي سبع وتعديت عربيد = في موقف ينسى المحالف حليفه
يشيب راس اللي يغاغي على الديد = بين اللغم والطايره والقذيفه
شلفا ذياب ولو ماها على حيد = قضت على اللي تحتها بالنصيفه
واذا تذكرت الرجال الصناديد = ماقول غير الله يشفي خليفه
راح الصيام ولا لفت فرحة العيد = ودمع اليتيم ابتل منها رغيفه
والفاطر اللي روحت مالها قيد = مدلله راحت تهف السفيفه
ياصعبها على المهلل وابو زيد = وياسهلها على الهنوف العفيفه
وانا احمد الله مافعلت المناقيد = ولا لبست الا الثياب النظيفه
[/poem]