إلى أُمّي :
ماشي قوافي وﻻ مشاعر وﻻ أبيات
لانك عظيمه ما يكفيك شعري
و ماشي هدايا طيبه أو عطيات
تجزي مقامك يا بعد كل عمري
يفداك قلب(ن) خط دمه عبارات
بحروف اسمك صار عزّه يصري
دمتي فنار الروح وصدري لك يبات
يعزف موسيقى وأنتِ في عرش صدري
يالمدرسه العظمى ف كل المجاﻻت
افرش كفوفي ودي أحوز أجري
أطهر علاقه بين كل العلاقات
مابين طفل وأمّ في وصل سري
واصدق وصيه سمعتها ف الوصيات
وصيه القرآن لو كنت تدري
واسطر أبيات(ن) عليها اضاءات
معيارها ينزل على الناس يثري
يمه يثور الشعر م القلب مرات
هيهات يكفي قدر حبي وفكري
صج الدفى ياتي فهالكون فترات
ويدفى معه من كان ناوي يذري
أما دفاك أنتِ على كل لﻻوقات
يدفي عظام الجسم من قبل زفري
يمه فداك الدم والروح والذات
يا الشامخه تاج ن على الراس تطري
تعجز حروف الشعر وكل الكتابات
في ذكر أفضالك من عهود صغري
ماشي قوافي وﻻ مشاعر وﻻ ابيات
لانك عظيمه ما يكفيك شعري
خليفة الصائغ