يارب سامح ..
من جرحني!
مسامح!
مكسور أنا يارب
.. بس العوض منك!
كم كلمةٍ بالصدر
عيّت .. تبارح!
وكم شخص غالي ..
مير يارب جارح!
والله أنا يارب .. برفع يديني
وادعي عليهم ..
صرت أدعي إليهم !
أستقبل القبله .. وانا ب أرض مكه!
وارفع يدي ... وادعي لهم !
يارب أنا أستغفر لهم !
ياربي إن تغفر لهم!
يارب هم مايقصدوا ..
لو هم بصدري أذنبوا !
لو هم بصدري أجرموا !
طفلٍ بجوفي شوّهوا !
يارب هم مايقصدوا !
يارب .. انا سامحتهم!
يارب سامح .. من جَرَح!
يارب جازه بالفرح !
ماني ب ارحم منك .. وانت !
انت السلام .. إنت الرحيم !
إنت الغفور ... إنت الودود!
البارئ الحيّ ... الصمد !
الواحد .. الحق .. الرشيد!
يارب .. سامحهم
وانا ... !
ماضعت
وإنته خالقي !
مااطيح لا
وانت الرؤوف!
وإنت العظيم المقتدر!
يارب ... انا سامحتهم!
ياربي إن تغفر لهم!