كنت أكذب !
مثل باقي الناس " أكتب"
كنت أمدح !
وافرح .. افرح!
كنت أحس ب ألف خنجر!
يقرب لظهري " ويجرح "
كنت أمدح/ مااعرف اجرح!
طفل يهديهم فرح!
آه .. وش قد الوجع!
آه .. وش مرّ الدمع !
قد إيش الدمع .. يفضح!
ليه طيب ؟
والله مدري!
ليه .. ليه؟
والله مااعرف!
والله مدري !
كل شيٍ أعرفه .. صرت أخافه واحذره!
ماغدا شي احضنه!
يمكن إني لاحضنته / شق صدري!
قد إيش الأسئله !
ماني لاقي أجوبه!
كل شخص استأمنه !
شاف روحي : مغريه!
روح طفل مشاكسه!
روح طفلٍ طيّبه !
أعتبرها ساذجه !
ليه يطعن طهرها؟
هو شرب من نهرها!
واستقى من عطرها!
واستفاء بظلّها !
ماكرمها بشكرها!
ليه يطعن طهرها؟
سلمى .. سلمى!
ضمي صدري!
لمي جرحي !
رجعي للناس عطري!
ضمي اكثر!
ضمي صدري!
ودي أهرب .. منهم ومني ..
إليك !
قلبي طفل ٍ حيل خايف!
كان واقف عالرصيف!
كان يجلده المطر !
كان مبلول .. وضعيف!
مالقى أيّة مضلّه!
والمطر سيفه يسلّه!
واحتمى بك !
ارتمى لك !
مثل عصفورٍ صغير!