.
يا الله يا عالم احوال العباد اجمعين
يا عالم ٍ بالنفوس وخافي اسرارها
تجمع على الدين شمل عبادك المؤمنين
حقق للاسلام غايه طال مشوارها
يارب واهزم جيوش الكفر والمشركين
اللي غزو سوريا واجتاحو ديارها
ايران والروس في الاهداف متشاركين
واصل الهدف سنة المختار وانصارها
اهداف تمشي مع الخطه يسار ويمين
من اليمن لا العراق لساير اقطارها
تموّل ايران جيش احزابها المنتمين
تلعب على ما تريد وتخفي ادوارها
اخذت خبول العرب للحرب سيف ٍ سنين
وتقيّض الفتنه اللي ما انطفت نارها
من بعد كسرى تقول ولا تطول اليدين
حديث من منهج السنه لمختارها
الروس متفلّقه بسيوفنا من سنين
بكسور ما ينوجد دكتور لاجبارها
بانت نوايا الخبيث وبان حقد اللعين
وافعالكم ياعرب ما خلصت اعذارها
في القدس تصرخ فتاه وبالعرب تستعين
تموت والطفل يستشهد على ثارها
واحنا عليهم بدون احساس متفرجين
نستنكر المشكله ونتابع اخبارها
يالله تذل اليهود وتنصر المسلمين
والشام يارب سدد رمية احرارها
عبدالله سليمان
.