[نور]

صباح الخير,,


انا ان شاءالله راح اسافر في 20 يوليو الى بريطانيا ,, راح نقعد فيها الى 6 اغسطس وبعدها ان شاءالله راح نروح باريس عن طريق القطار ,, وراح نقعد فيها " لين الحين ما حددنا بالضبط كم بس مبدئيا اسبوع يعني لين 12 اغسطس لان اجازتي مب طويله اما اذا وافقوا لي ع اجازه طويله راح نقعد لين اخر ثمانيه بأذن الله , ومن هناك راح نروح سويسرا ان الله كتب كم يوم بس لاني ما احبها " ..

اما عن سبب اختياري لهاتين المدينتين فـ لاني احبهم وانا بصراحه وايد مهم عندي التسوق ,, وسوقهم وايد حلو والتسوق فيهم متعه ,,

وبعد لان جوهم حلو وبارد نوعا ما في الصيف مع اني قريت ان السنه في اوروبا راح يكون صيف حاررررر بس عادي هم كل سنه يكتبون نفس الكلام ,,

انا وايد احب باريس متعه عندي اتمشى في الشانز واكل ايسكريم واقعد في اي كافييه واتفرج ع الرايح والجاي ,,

احس ان اشكال واصناف غريبه عجيبه من كل بلدان العالم تتواجد في هالشارع ,, والمحلات اللي فيه بعد حلوه والقى فيها اشياء ما القاها في اي مكان ثاني ,

بس اول مره راح اسافر من لندن لين باريس بالقطار الله يستر ,, مع اني سافرت وايد بالقطار بس ما اعرف ليش متخوفه هالمره منه !


اما عن الاستعدادت اللي قمنا بها علشان السفر ,, اهم شي حجزنا التذاكر و شقة لندن وشقة باريس ,, مهم عندي اسكن في شقه مش في اوتيل ,,

لازم اطبخ بروحي لان اللي معاي مهم عندهم ياكلون عيش كل يوم واكل بيت مش مطاعم .. :012:


يعني الحمدلله انا مالي علاقه ابد في التجهيزات اللهم بس ياخذون رايي في المكان اللي بنسكن فيه و في باقي الترتيبات يعني رايي جدا مهم ,, لاني ممكن اناحس واخرب السفره اذا الوضع ما ريحني وما عجبني :011:

وان شاءالله تمر سفرتنا على خير وما يصير شي يخرب وناستنا ,,

بس هذا كل اللي عندي ,,


موضوع حلو يا قمر


ننتظر المزيد من المسافرين ,,




نور...