[عبدالرحمن مقبول الزهراني]

مدخل

ذكرتني الشمس و الـمشـرق
ذكروني نور وجه أمِّي

نور وجهك يا الغلا يفرق
ما كسف إلا على همِّي




((غصن زيـتـون))

تذكرتك. ولا ادري ليه / لامن صرت انا محزون
تمري بخاطري كنك / تحسي بداخلي الآلام

-------
يايمه الحزن من صغره / تعود بين اديك يهون
ولكن وينها يدينك ! / فقدت يديك من كم عـام

------
فقدت يديك أي و الله / فقدتك يا غـصن زيتون
فقدت البـاب للجـنة / و مفتاحٍ تحـت لـ اقدام

------
ومن الالوان فاقد لي / بعد موتك انا كـم لـون
فقدت أبيضك يايمه / و أخضر مِـقْبل الايام

------
أنا ادري الناس يايمه / و مهما عمروا يفـنون
و لكن كم تمنيتك / طويلة عمر في الإسلام

-------
لأنك من صباح الله / مع اللي صبحهم يتلون
كلام الله و أن أمسوا / عباده شفتهم قِيَّـام

------
و لا ازكيك يا يمه / و اعرف ان البشر يخطون
ولكن بالجسد مضغة / تطيب بطيبها الاجسام

-----
و أنتِ مو كبيرة قلب / يـا يـمـه أنت ِقلبك كـون
وشمسٍ شارقة بالحب / و بدرٍ لا غفوا النوام

------
رحمك الله يا طِـينـن / تشكل من حـما مسنون
زكا من روح تسكن فيه/ رغم تفاوت الاحجام

------
و رحمك الله يا صبـحٍ / تركـني مغربه مسجون
سجين الذكريات ان مر/ خيالك قمت اعض ابهام

عبدالرحمن أبو ريلام