مهما حصل انتي جميله بعيني
والورد ياشينه بجنبك جماله
قدرك تعلاّ وقدرهم مايزيني
كلن على حسب الغلا له دلاله
اسمك كتبته بالحشا وارحميني
يوم العرب تدري بقلبي وحاله
ياكل نبضن بالعروق اجمعيني
حبك سكن قلبي وقلبي حلاله
عندي مشاعر هايضه تكتسيني
والقلب لاتقطع بيدينك وصاله
يمكن احبك ليش؟ لاتسأليني
الحب مايدخل بقلبي لحاله
يمكن جمالك فتنته تحتويني
يمكن دلالك فارقن في خصاله
ياشمعتن تضوي خفايا سنيني
انتي العسل ياصافياً في زلاله
قلبي بيدينك لايسار ويميني
حبك حكم قلبي وصار احتلاله
*
عبدالله التميمي