ياليل صدك ماطخلك راس واشيكلك حزن
فحطن نجومك والكمر بغيومك السوده اندفن
وانه على نغمات الربابة بصوت محبوبي أون
ودلالي فاحن هيل والهاون يرن
غني ياحبيبة كبل لايجينه الشيب ياخذ صوتنه
غني كبل لايمر بينه الليل والكمرة تفوتنه
غني حطي الفرح ركش حنه باصابعنه فوك جفوفنه
غني خلي الشمس تغزل من ضواها زلوف
غني خلي الورد والسنابل تداعب طارف النفنوف
غني غني الله ياصوت العشك من يدك ع البيبان
باب باب ضفة ضفة وع الفرات يطوف