الشعر نجمة أمان حضورها كافي...لو كل غيم النفاق يحول من دونه
يكفيك يوم الخلايق ودها طافي....ويشع فرحه لو أن شجونه شجونه
الله يبقي ضياه ويهدي الخافي....والله يقطع شعور" ينزع سكونه
لا جاك نفحة مشاعر جوها صافي....تزدان فيه الحياه ويختلف لونه
بشعور مملي طموح وبالادب وافي....يختال فيه الحنين ويفتح عيونه
للحب والحب يا لاحساسه الدافي...لو برد بعض المشاعر زود جنونه
وألا انت كلك عناي وكلك انصافي...يا هم روح القصايد واعذب لحونه