أغليگ وأعزگ ومنزلگ .. فــ العين
ولگ المحبه خالصه .. واحترامي
يالغالي اللي جابگ اثنين .. غالين
سامي ولگ طبعٍ مع الناس سامي
فيگ الجمال ومنگ يا المترف الزين
سحر عيونگ فيه يكمن .. غرامي
فيگ أنفتن قلبي وهايم له .. سنين
وحبگ بلاي اللي سطى في عظامي
تغيب عن عيني و ما غبت للحين
عن خاطري .. يا حب مسگ الختامي
فيني الوله والشوق .. من ساعة البين
سيلٍ جرف خافي المعاليق .. طامي
صوتي دعا والجرح .. نزف الشرايين
يالله عساها تصيب يمگ .. سهامي
هذي صواديف الزمن ما بها لين
تجري بنا ما بين .. شرقٍ وشامي
ويا طير ما دامك تروم .. الميادين
وصل لدار أهل الحبيب .. سلامي