عندما نفقد ...
ياراسم الصوره على وجه الاحزان
ياليت للازمان صوتٍ ومسمع
كيف ارسم البسمه على وجه الازمان
دام الحزن يقطع فرحنا ويردع
يا(خال) دون الماي ما عاش بستان
وصعب الورق واثمار الاشجار تطلع
والبيت من دونك ترا دون عمدان
ودون الغوالي صعب نطرح ونجمع
عساك تبقا ذخر يا وافي الشان
انت الذرا لاصار بالوقت مطمع
انته عروقي وانت يا (خال ) الاغصان
وماني سوات اللي للاغصان يقطع
يبقا الغلا راجح على كل ميزان
وعسى الغلا عن كثرة البعد يشفع
الموت هو البعد يانور الاعيان
وما للحياه بدون شوفتك مرتع
نوح الحمآم ~ بشاير