سلام يانقوة رجاجيلً حشام
معى هبوب الريح جاكم سلامي
الله على الايام وش بعد الايام
يومين حلو ومر ماهن توامي
ترى الامور المعضله ماهن الزام
ولا على المعروف فعلك الزامي
اما تجي سهلها تمام وبها اتمام
والا تروح وجعلها مو تمامي
جعلك بخير وعز في كل الاعوام
وتلقى البشاير في لقاء كل عامي
الحظ لو ماقام جعله ولاقام
لاصار مايحفظ عظيم احترامي
الحظ ابيعه بيع معى كل سوام
ماشدني لو من كبار الاسامي
الموت نعمه لاحصل به تنهام
لو كان يقطعني ويكسر عضامي
عمر الزمن ماعز الاشراف يا احسام
ولابد شمس الغد تجلى الظلامي
كل الصدور بغيضها تشهق انسام
سلام يالسامع وردد سلامي