كل الدروب تسوقني يمّ .. بيتك
ياللي هجرتيني وقلبي .. هجرتيه !!
احاول اتْناسى .. وانا مانسيتك :
واتْذكرك من جرحك اللي .. تركتيه !!
أكذب عليك إن قلت لك مابكيتك
لكنّ انَا "باسي" على .. ماخبرتيه !!
"رجّال اموت بحسرتي مارجيتك
طبعي كذا وإنتِ من اوّل عرفتيه" !!
شهرين ضايق صدري ومانصيتك
شاعركْ حزنه واضح ليا .. قريتيه !!
عندي سؤال وجاوبيني .. فديتك
"داريت قلبك ليه قلبي .. جرحتيه"؟
أسوأ تفاصيل الهوى من .. لقيتك
روحي .. وخلّيها بقلب ، كسرتيه !!
وأجمل تفاصيل الهوى من هويتك
اليوم .. عيديها مع اللي عشقتيه !!