[نفاع العنزي]

للشوق .. وللشوق فقط

.

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تامر على حاجة ؟ .. توصيني بشي ؟ =كلام .. دايم ينطقنه شفاها
تقول لي نفاع .. بس انطر شوي=والله يا نفاع فيك أتباها
أبك أنت صرت بدنيتي شمس مع في=يا بلسم جروحي وسبة عناها
ضدين فيك أشوفهن سببن لي=حالة ( وله ) والله عليم بمداها
ألمح شموخك .. وأتذكر جبل طي=وأقرا القصيدة .. وأتفاعل معاها
ليتك قريب وتاصلك مدة إيدي= والله يا نفسي كود تلحق مناها
ليتك قريب وعندنا داخل الحي= والله لأوريك النجوم بضحاها
كل الكلام اللي سبق قالته هي=وأنا على الطاروق وأكتب وراها
أبا أكتب الباقي على قافية إي=وأقرا ملامحها وأطير بفضاها
تفدى مواطي رجلها غادة ومي=وكل البشر ما يا صلون لغلاها
رمز الطهارة في زمن رمزه الغي= وتاج الوقار أنا أشهد إنه كساها
إذا اجلست كل الصحاري غدن مي=وإذا مشت يا زينها يا حلاها
وإذا أظلمت دنياي كانت لي الضي= بالمختصر هي شمسها في سماها
وترجع تقول أرجوك بس انطر شوي= ما تدري إن أكبر طموحي رضاها[/POEM]


.