تخيب هقوات وتموت الهقاوي
لاشفت من غالي خطا ماهقيته
ياقلب خلك خلف الاضلاع قاوي
ما اذكرك من قفا وقفت وبكيته
تمر الحسا مجني بكف الحساوي
مايرخصه لو باع منه وشريته
ياحيف يالمجمول غرً هناوي
مدعوج ماداجوا خطا عند بيته
ابو جديلن خطر لامر ضاوي
نور الجبين وحسن يشبه لصيته
ليته توهمني بكثر المساوي
وابعذره واقول لا ماخطيته
جده ليا صاحت عليه العزاوي
عدوهم ينشد علامي حديته
ذيبً بصدري فوق تلعً وعاوي
من غبتن عسرا عسيره مميته
البارحه ماكنت للبوح ناوي
ياما عصيته والف مره عصيته
ولا احب سرد اكبار حزم الشكاوي
اموت وهمي مانطقت وشكيته
لكن على الرجال بعض الدعاوي
مخطوطتن تظهر ليا شاع ليته
تشوف بعيونه كبار الحكاوي
لو كنت ماقلته بعيني طريته
وشلون ابخفي سر فالضلع زاوي
لو كنت قادر كان والله محيته