عفويه جداً لعمي وخالي والأقارب والأصدقاء ممن أقتطفهم الموت رحمهم الله وغفر لهم وأسكنهم فسيح جناته :
جيت حلم
لطيفك العابر
لجل أحضنك
ولا لقيت إلا السراب الي أتعبني خُطى
وينك ؟
هو أخذك الموت للأبد
وكبلك بالرقاد
ولا يبي يستنطقك
وأنا مع كل قدحة أمل
أوقد شموعي
وتطفيها دموعي والهبايب
ولاني بتايب
ولا للياس مدخل علي ومستقر
آه يا كثر الكلام
ومواويل الملام
وكل مفردات العتب ... تعب
وأنا مدري من أنا !
مجرد رفات يستجدي الدنيا موت
أو موتٍ يدور له على موعد كفن
يا الله خلاص
والصمت أجمل مناص
يسترك من أغلبية هالحكي
الي يستمطر عيونك
ويزيدك زفراتك آه
#خاطرة_وجع