الفقد فقد الأم والفقد كايد
والام موطن و المشاعر غريبة
ما جيت لك يا ام المحبة أعايد
جيتك وانا في وسط روحي حقيبة
فيها عتاب احساس يهواك وايد
وفيها اشتياق الابن لأم ن عجيبة
ام ن تعاكس طبعها في العوايد
متغيرة لو هي الغلا و الحبيبة
عندها ضنا قد غاب والحين عايد
وشلون ما ضمته من عقب غيبة
عندها ولد لا اصبح الوقت مايد
من دون امه يشتكي من نصيبه
امي الحبيبة وش جميع الفوايد
ما دام ما انتي من حياتي قريبة
صحيح شاعر بس كل القصايد
من دون ذكرك هالقصايد كئيبة
امي تشوفين المطر و الرعايد
دمعي مطر و ارعود حزني رهيبة
وينك ادور صورتك في الجرايد
وآدورك في كل عطف ن و طيبة
والحين آنا ف مسجد الشيخ زايد
ادعي تكون ايام عمرك رحيبة
وآنا على كثر الشقا و الشدايد
آقولها وادموع عيني سكيبة
با بر بك رغم الجفا و البعايد
وبحملك عا ظهري ولو صرت شيبة