ياسامي ماعاد فيها ابيات
والشعر عندك قوانينه
المدح صابه كثير اسكات
مدري اعقلو كل مجانينه
والهيلما والهياط اثبات
والساحه تنشر عناوينه
ياكثرهم بالبلد عاهات
يمدح لجل ينتهي دينه
الشعر في عصرنا اللي فات
قيمه وتثبت دواوينه
ماقول كله ولا شويّات
الزين طاغي على شينه
واليوم ياكثرها الاصوات
مالوم من ضيع ازوينه
حتى تسوّق على الشيلات
واللحن واجد مغنينه
امدح هل الفعل والوقفات
اللي تهابه عدوينه
والمدح خله بعض حزّات
لين العرب تسألك وينه
اهل اليمن مدمنين القات
لين اليمن ضاع من حينه
والعقل نعمه وله لذات
كنه من المال شارينه
والشاعر اللي كتب ما مات
دام الحبر من شرايينه
القاف مايبقل الونّات
حملن ويبغى ملبينه
ان كنت قد الحموله هات
والشعر يمك ميادينه
بقلمي