[حمدان روسان]

وكانت ..
تستسقي امطار
كانت .. تستلهم افكار
يعني .. تكتبني واقراها
كانت ..
طفلة وكنت اهواها
ونتبادل كنا الادوار
ماهو هنيّا .. كنّا هنــــــاك
نشطح كنّا
ونشكي حنّا فينا وعنّا
نتعاطى كل الاسرار
ونحارب فينا الاشرار
وفجأة صارت اشكالية
من سبّة هذا الحوار
وطرف اول انا كنت
وطرف ثاني كانت هي
يعني اول من سئلت
قلت ..يعني متشابهين
قالت.. ايه متشابهين
قلت.. ابغى بالتحديد
وين الوجهه بالتشبيه !!!
الوهم قالت ..
مصنوع
(أحد لايوجد بلد )
كذبة يعني وصدقناها
والخيال ..غزل ونسج
(بلد لايوجد أحد )
قلت ..
اعطيني مثال !!
غلط يعني مثلك... انت
وبحسابي كنت الصحيح
(وطبعا .. قالت هذا هي )
قلت ..
صورة ورسميتها
واخترتي لون (البرواز )
وتبيني اطلع مثل الصورة !!!
مثل (النهاية والاخير)
كلهم نفس المصير
ماهو ذنبي مااشبها
وغلط اطلع ماني صح

.