جهّزي لك كم عبارة تهنئة
باسلوب عام
وجهيها باهتمام
أو بدون اي اهتمام
صار مجنونك يقاوم ،،، كل لحظة انهزام
عايش بوحي الخيال
له معك دنيا و لك دنيا بدونه
تاه يبحث لك ولاظنه سألتي
كذّبيه وخففي أثقل متونه
أكدي له بعد هجرك له وصلتي
باركي لي ،، لا لا باركي له
باركي بالعيد و اكثر
من شروق الشمس ،،، قبل العطر يُنثر
من على رفّ الغرام
إن كان باقي
غيّري صمتك صخب
هزّي اركان الوجود
بالتواجد و الصمود
وكفّري كل الجمود
وزودي شوقي حطب
سولفي لي عن غياب بدون عذر
لا ، سولفي لي كم من عيوني مطر
لا ، سولفي للكل عادي
مثل ما انتِ شخص هادي
بس من دون اهتمام
دام مجنونك يقاوم ،،، كل لحظة انهزام
عايش بوحي الخيال
كلميك
اضحكيك
علميك انّي بعيدٍ احتريك
و ما غفت لي عين ،،، حزني شتات اثنين
يا مطولك يا ليل
و عينك فلا هلّت
وان ضايقك إنّي ،، استنزفك منّي
شوفيني ( الـ عابر سبيل )
ليت مجنونك يتوب ،،، عن متاهات الدروب
عاش اطماع الخيال و أنشد
دام القدر مكتوب و اقدارنا تمضي
لا تطلبين انسى عندي الجفا مرفوض
وان طالت الفرقا طول العمر بقضي
أيامي الثكلا ابحث عن المفروض
وليت الليالي تعود
وتجهزين العود
وابكي لك الفرقا
بإلهامي الموؤود
جهزي لك كم عبارة تهنئة
للعيد و أكثر
دام ما ضينا تعثر
و الوصل المختصر
اصبح محال
بـ اسمع و اسمع وجداً
صار مجنونك يقاوم ،،، كل لحظة انهزام
عايش بوحي الخيال
محمد آل وافي