تلبسين العَتم واحساسك سراب
في شتات الامس لازلتي واكيد
باقيه نفس العهد وسط الخراب
ضايعه لو غَيرك لونن زهيد
يارذاذ الصيف من تحت السحاب
ديمة الصيف الزهيده وش تفيد
كم خذلك الوقت كم مره وجاب
وش ملى بالعين من فعله وعيد
اعذريني مابقى عندك جواب
والسؤال اعيد طرحه واستزيد
من جهل فكرك تواهيم وعتاب
تجرحيني بالجهل وانتي وَتيد
كنتي القمة نزاهات ورحاب
طامحه في عالي الشم الصعيد
وانحدرتي عاجزة وابلاك ناب
في ظهرك ايصيح والساتر حديد
الف صل الله على سيد الجناب
الرسول الطاهر الغر المديد
ذكرك بالنص واحقوق ومتاب
وتنكرين النص والكاشف شديد
لو جهلتي من ينابيعه صواب
ماشربتي للبقاء الا صديد
العتب ماهو جزاءك والثواب
الثواب ايحدده ربي اكيد
لو تخاصمنا على سور المئاب
نتفق في يوم تحقيق الوعيد
لو لمس مقريك من علمه شهاب
ماسرق من غَيب او يتبع هميد
لكن الخيره على شف الحراب
ان حكمك العادل ابسيفن مجيد
تنمحي كل الاسامي والتراب
ايتشابه مثل الاول والبعيد
والسيوف السود عن بيت الجراب
اتصدد والحكاية من جديد
كني اقرى في بدايات الكتاب
فوق كل اعلامها عرشن عتيد