[شعور]

-

نورة القحطاني ..
نور الإحسآس ومنبعه

قصيدة تثكلت بالشعور والوجع إلى آخر رمق !
قصيدة تتوسل للصبر بـ كسرهِ نفس
تشرح الوجع بـ موسيقى كاملة الـ التناغم ..

انا لا اعلم .. كيف لكِ أن تنزفين حبرٍ لـ نجدنا نقسم اننا لن نغرق الا في بحر ماقرأناه وليس
هناك إحساس ينافسه القوه ! لـ تأتي بأحساس يفوقه سحراً وجمالاً وجاذبية


صح الله لسانك مدد


تقبليها مرتجله كما هي .. :


علينا جارت الدنيا ، فتق فينا الوجع بالدور !
... ... ... ... ... كأنه : حاكمٍ تمم بعد مده ..؟! مقاليده

عثى فينا الوله كٌأنا من اول ناقصين كسور
... ... ... ... ... ولا ندري الوله هذا من اللي يقدر يبيده ؟

ترجينا الصبر يمطر بـ غيمة والصبر معذور
... ... ... ... ... عطانا لين ماقصت سنين عجافنا ايده ،

تسندنا على الذكرى طلع فيها العطا مبتور
... ... ... ... ... كأن الله كتب نأخذ مع هالحزن / تأبيده !

على الله والخفوق اللي تحمل هالوجع ماجور
... ... ... ... ... يعين الله على غدرٍ يمارس بالصدر كيده

نناظر بالفضى نبغى نلاقي في السما عصفور
... ... ... ... ... ونرمي بالبحر من شح لفتات الامل حيده

وحتى الشعر من كثر الوجع ما مدنا ببحور !
... ... ... ... ... تحمل ما طغى بالقلب وتبري هالالم سيده

انا في داخلي دربٍ ظلامه يطفي الديجور ..
... ... ... ... ... أحاول وارجع أحاول ولا ادري كيف تبديده

وطفله سجو آهلها وضلت فوق ذاك السور
... ... ... ... ... وحلمٍ يكتب بـ عجزي : معاناته و.. تخليده

وبعد ماجارت الدنيا عسى هذا الوجع مشكور
... ... ... ... ... جمعني بك وأنا اتسائل! جميله كيف تسديده



أعذري قصوري يَ روحها
أختك
شعور