السلام عليكم ورحمة الله وبركاته
.
.
.
.
كل لحظة شعر في صدرك شعور !
ـــــ كم تحسّ الهــمّ يثقل كاهلك !
فوقها تكتب عن أحلام الطيور !
ـــــ رغم إن الحلم ذا مالاح لك !
تحمل إيدينك على غيم السطور
ـــــ دمعك اللي ملّ جفنه حاملك
أيّ شاعر بين صدرك ياوقور
ـــــ إستباحك وإستقى من كاحلك
تختصر في جيتّك كل الحضور
ـــــ مبتسم والحزن يعوي داخلك !
إن حكيت يفزّ لك عطر الزهور
ـــــ وإن سكّت الهم كنّه قاتلك !
داخلك طفلٍ مؤدب لو يثور
ـــــ يقلب الدنيا ويصبح عاذلك
.
.
[ مشهد غير مُكتمِل ]
*
ـ
*
يطبطب كتفك إيدينك
... وهو متفائل
و مؤمن !
* كثر ماأهتّز
مافكّر
سوى في سقطة إيدينك !
تميّل راسك الطيّب
بمشهد
مؤلم ومحزن !
* وعينك تلقط المشهد
وتمطر
لين خدينّك !
.
.
غريب الحزن !
والأغرب !
بقايا صمتك المُزمِنْ !
غريب الحزن
والأغرب !
جلادة صبرك
الأعظم !
.
.
تحب الناس!
تكرمهم !
وإنت أكثر فقر
منهم !
تحب الناس !
تحضنهم !
وظهرك ملّ خنجرهم !
.
.
غريبه جّداً أشيائك !
ـــ جفافك يحتضن [ مائك ]
.
.
[ منفذ ]
أنا هنا مابين كتف القصيده !
ـــــــــ أتحيّن الفرصه وأدوّر بلادي !
أتخيل إنّ الموطن يْمّـد إيده !
ــــــــ واتفاجأ إني بين صحرا ووادي !
.
.
.
شكراً للقراءة .