[ماجد العيد]

اتصالك بالأمس يا بسّام أحياني فـ شكراً لك

موجود ..
مثل الغياب ..
مثل الرحيل بْلا إياب ..
مثل البعيد من النداء ..
و مثل القريب من السحاب ..
موجود ..
مثل السراب ..
مثله و أنا الصادق ..
مثله و هو الكذاب ..

[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أغيبني لا شك أشتاق بعضي=ساعة آتمناني على طرقة الباب
يفز عن صوت القراطيس نبضي=حتى آتشكلني على هيئة كتاب
قم قلّب أوراقي و لا سرّ و أفضي= و تبوح لك بُكْم الورق حكي و ارتاب
يا ليت لي قَسْمٍ من الحلم يرضي=على يدين الجَهْد و العمر ينساب
يتوه فيني طفل أعياه ركضي=و يا ليت له طاري من الذكر و يجاب
أربع و لا ومضي غدا مثل ومضي=لا الشمس فزّاعة و لا حولي أصحاب
في غربتي يا تارك الوقت يقضي=نفضت يدّيني حسر طاحوا أقراب
تمرّني العبرة و لا طرف يغضي=و تصدّ مثل الوقت و الوقت كذاب
عذراء تميل الشمس نيران تلظي=و شيخٍ يزمّ العمر ما شاف طلاّب
سال الشقاء لا ساق تحمله يمضي=هبّوا على صدره يبي يزفر عتاب
حتى تهاوى الليل و وأوقفت فرضي=و طحت ساجد فتّتت دعوة رقاب
يا و الله اللي ناثر الكحل محظي=على عيونه يوقد النجم و يذاب
طال السهر مدري متى الليل يقضي=و العزلة اللي باعدت غيري أسراب
اللي عرفته حَسْب رايي و فرضي=إني قفلت الباب و أثري وراء الباب[/poem]

موجود ..

مثل الغياب ..
مثل الرحيل بْلا إياب ..
مثل البعيد من النداء ..
و مثل القريب من السحاب ..
موعود ..
وصاحبي كذاب ..