:
هذه القصــيدة حزيـنة .. أكثر مني
قريبة البعد .. وبعيدة القرب
مجنونة .... وتدعو السماء عقل يشقيها
:
(( حِلــم ...))
:
هي الاحلام إنساني بها ماأعتـرف بالكـون
اعيـش بعالـمٍ آخر .. حفظك الله ياحلامي
:
زمن عشنا على الهامش نعيش بلاهدف مضمون
وانا من ضمن هالعالم مـدري وينهـا ايامـي
:
اشوف بعيني الالوان تكـوّن كلهـا فـي لـون
شربت الكوثر ولازلت اناظر للسما ضامي
:
كني بدائرة أركض..وصرت بداخلي مسجون
أكذّبْ شيء انا شفته .. وأصدّق كذبة أصنامي
:
ترى اصعب من المجنون انك تشبـه المجنـون
ميّت يحسبونك حيْ .. شعور الموت اجرامي
:
عجزت بصحوتي اثبت بأيْ الارصفة مركـون
طموحي بس اصيرانسان والقى موضع أقدامـي
:
توفى داخلي حبٍ على مـد البصـر فرعـون
خسارة مت بذنوبـي قبـل لا إعلـن اسلامـي
؛
وجيت اليوم أبي أحلم..هارب واقعي ملعون
دخيلك بس خلوني أصنع حلمي السامي
:
أحْلم يختفي راسي .. ويبقى صدري المطعون
واجبر خاطره يمكن تخفف طعنة الرامي
:
أرتّل من شعاع الظل .. رحلةْ شاعرٍ مغبون
واجمع كل هذا الكون بثغر الحلوة الدامي
؛
ابحلم ليتني ما صحى واظل كل العمـر هلـّون
اذا تبغيـن ياعينـي تنسـي ضيقتـك نامـي
:
تقاليدي بدنيا غير..... انـا خـارج عـن القانـون
بكيفي أصنع أدواري بطل في كل أفلامي
:
اذا الانسان مايحلم ..يعيـش بدنيتـه وشلـون
وانا تحقيق احلامي...... بأني احلـم احلامـي
:
زايد..
: