ماني من الشعر والشعار متهيّب
لو يحضر الفين شاعر ماظهر ناقد
الراس شيّب ترى والفكر ماشيّب
والناب قارح وزند العود متواقد
الفكره اللي بكر تفرق عن الثيّب
وانا بعلم الأدب والشعر له عاقد
حلقت باعلى سما بعيد ياقريّب
ناظر بعينك تشوف البدر يافاقد
سحابة شعري عسى مردودها صيّب
تروي قلوب ٍ مع الامجاد تتعاقد
بالموقف اللي حدث ماكنت متغيّب
حضوري واجب تركت النوم للراقد
المجد يبقى مع الايام ياطيّب
والشعر لوما حبكته يعترض حاقد
*#محمد_الثوعي*