السلام عليكم ورحمة الله وبركاته
.
على طاري الشتا والبرد والإحساس
على طاري اللقا والليل والموعد
.
أنا اذكر كل ما اذكر طرفك النعّاس
شقاوة مبسمك في وجه متمرد
.
حكاية شعرك الأسود مع النسناس
وأحمر ثغرك المرسوم يتوقّد
.
وصوفك صعب تتدون على كرّاس
وحسنك مختلف كل يوم يتجدد
بخدك ورد ما يسقى لكَن ينباس
ومن ياصل على خدك بيتورّد
بعذري لو تكوني الشعر والهوجاس
ابكتب كل ما شفته ولا اتردد
وانا ما همني لحظه كلام الناس
كلام الناس متردي ولا يصعد
.
يقولون الملا تخشى قوي الباس
وانا ما همني من قام أو يقعد
.
قضيت العمر مابين الرجا والياس
وابقضي العمر متفرد وانا محمد