[بندر الخزمري]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] بيـنك .. وبيـن آخـر حدود لوصــالك =
راحـت بنـا الايـام .. حتين ضعــــــنا=
حتين ضاع العمر .. كبروا عيـالك=
وانـا ادور في ملاقــــاك معــــــــــــنى=
قـدام عيـني كـل شيٍ تهــــــــــالك =
انته .. وانا .. مدري بقــايا وجعـــــــنا=
مدري الظروف اللي نمت في خيالك=
او يمـكـن انّـه .. كـل شيٍ جمعـــــــــنا=
كنت الحيـاه اعيشـها من خـــــــــــلالك =
احـاول انـفـث روح فـيـما صنعــــــــنا=
خلـقت لك في عز صيـفي ظـــــــــلالك=
وانبـتّ لك في داخـلي ما زرعـــــــــنا=
كتـبت لك .. يـوم ان غيـري قـرا لك=
وسخـرت لك لو طعتـني ما منعــــــــنا=
ياما عصاني القـلب .. ياما وفــــا لك =
والحـيـن يا قـلبي .. وشلي نفعــــــــــنا=
يا قلب .. بعـت اللي تعنـا وجــــا لك=
واجبرتني يا قلب .. طعتك .. وضعــنا=
واليـــــوم راح .. وكـل شيٍ بقـــا لك =
ذكرى الزمــان اللي بجهلك صرعــــنا=
لا تحســـــــــــــب انّه ما يـدور بــدالك =
ولا تحسب انه لو تـراجـع .. رجعــــنا=
حنّــا انتــــهيـنا .. واي معنى بـدا لك =
غير الفراق .. يكـون من دون معـــنى=
[/poem]
30/4/1433 هـ