لو كان عيب الرجال يهـل مدمعهـا
لكن وشأقول عزّ الدمـع لأهدابـي
حاولت أكابر بها لكن نـزل معهـا
مع الأسف من حسبته صفوة أصحابي
أسكـت تراهـا كبيـره لا ترقعهـا
شف خنجر الغدر بيدك ويش سوّابي
شف دمي اللي عليه وشوف موضعها
لله درّك منيشـن صـح لأعطـابـي
كنت أذخرك للسنين وسوء طالعهـا
وشلون قبل العدو خنجـرك يبدابـي
دع عنك روحي ودع عنّك مواجعها
يطيب هالجرح ولاّ عمر مـا طابـي
في خاطري كلمتين أبيـك تسمعهـا
قبل أتوكّل على الله وأعلـن غيابـي
الروح هذي وطن خضـرٍ مرابعهـا
وأطهر من أنك تدوس برجلك ترابـي
الله عليك
نواف
يسعد مساك يابعدي
امتعتني بكل صدق
سلم قلبك وحرفك
دمت بخير