[رحيل عواد]

[poem=font=",6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحه خايلت برقٍ يلوحي=يم الديار اللي عزيزين أهلها
يلله عسى سيله يعم السفوحي=وديانها واجبالها مع سَهلها
اللي غلاها صار بلسم جروحي=واللي رُبى باحضانها ماخذلها
(نجد)العذيه كل ماجي واروحي=هي ديرتي مالي بديلٍ بدلها
دارٍ هواها صار بلسم جروحي=لاحل بالأرض الربيع وشملها
يازين شَم انسام عطرٍ يفوحي=الياختلط ورد الربيع ابنفلها
عقب المطر للبر كلٍ يروحي=اللي سرى واللي اعفوشه حملها
مستانسينٍ بين ضحك ومزوحي=في روضةٍ ياسِعد منهو نزلها
الله على القهوه وهيله يفوحي=في دلةٍ يوم السنافي عملها
قرمٍ اسنافيٍ ضحوكٍ مزوحي=مابان في نفسه بوادر مللها
[/poem]