[سعـد السعـيـدي]

\
/
\
أسعد الله أوقاتكـم..بكل خير ؛

متواضعـة.. أتمنى بأن ترتقي لـ/مستـوا الذائِقه..

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]لا هبّ نسناس الهوى سج بالي=يم الخليل أللي له الروح تشتاق

تاخذني الذكرى لذيك الليالي=وااا هل دمع(ن) وسط الاضلاع حرّاق

آهيم في نفسي وأرقى خيالي=وأبقى بدنيا ثانيه فوووق الآفآق

يبقى حضوري بالجسد وانعزالي=بيني وبين الناس سدٍٍ بالاحداق!

في لحظتين أشتاق مابه مجالي=يارب دخيلك الهوى كيف سرّّاق

فيني من الأيام جرح(ن) بقى لي=وعشق(ن) غشاه الود لجله ولا فآق

بين الرسايل والصور وجه غالي=كم ليلت(ن) حظنتها بحالة عناق

موطن سموّه بالحشى دون والي=أرضه خلاوي.. والسما ليل عشّاق

ياجود حزني والفرح ما صفالي=منهو يلوم الحال في حزة فراق_؟

تسحبني الضيقه إلامن طرالي=وتلعبّّي الضفّه على موج الاشواق

لا صبري المقفي ترفّق بحالي=ولا خاطر(ن) عقبه مع الناس لي راق

أثر البلا لا ضاق صدر الشمالي=اعرف تراه الكون كله معه ضااااق

وأنا شمالي والصدر ما غدا.. لي=ضاق بغيابه وأدمعت عين الاوراق[/POEM]

عـلى ضـفـّـة الـذكـريـات..؛
5 / 5 / 2007 م