وينك ليش .. غبت هواي
غيابك ذبل بروحي الشجر. والماي
احني شموعي كل ليلة .. واقول اتمرّ
وأضوّيها بضحكتك.. وانسى كل المرّ
وينك ليش غبت هواي.!!
تضمك روحي.. وانا اسأل عليك الدنيا.. ما اتخليت.
يا حبيّب.. لو ان تدري.. وراك البيت ماهو بيت
اخاف عليك.. اخاف هواي
نحلت وصرت مثل الناي
احني شموعي كل ليلة واقول تمر
واضويها بضحكتك .. وانسى كل المر.
وينك ليش غبت هواي
اثر ايدك على بابي .. جرح بالروح
خانقني بغربتي وما اظنه يروح
وينك يا وطن.. يبقى العمر مجروح
درنا الدنيا كلها.. وين بعد نروح