لاشفت لهمومي بوجهي تقاسيم
هذا ثمن عزي وحفظي وقاري!
من لايغمض جفن عينه على ظيم
لا بد ماتجري عليه الجواري!
معزتي طاول بـها راسي الغيم
ماهي بضاعة بين بايع وشاري!
وان ساومت راسي خيار المقاسيم
تركتها للي على الذل ضاري!
والله لا اغير ازيد الاقزام تقزيم
واضيّق بعين الضعوف المساري!
تمرّ سمعي .. عذربتهم ترانيم
اللي مليته هم ، واللي طواري!
منقية الايام .. وضح ومجاهيم
تكشف بدورتها الثعل والضواري!
بس الأكيد .. إن العبر بالخواتيم
والمعدن الأصلي يغلب التجاري!