منتديات أبعاد أدبية - عرض مشاركة واحدة - (( وش كانت تـ قول ؟ ))
عرض مشاركة واحدة
قديم 08-11-2007, 07:31 PM   #1
عبدالعزيز رشيد
( شاعر وكاتب )

افتراضي (( وش كانت تـ قول ؟ ))


سؤال تعلّق بـ جيد الذكريات



حـبيتها ولاعبتها بالطفولــه
______________يحليلها لي ضاقت تقول : ياقلب !
ياكم خذينا بالألاعيب جوله
______________كم ضحكة كانت وزادت بنا قرب
وفـ عالم الأطفال عشنا فـ سهوله
____________ هذي شواطي والنوارس لنا شعب
للشمس قلنا صحصحي ياكسوله
_____________لي صحصحت غبنا تقل مالنا ذنب
عصفوره بـ سرب الاماني عجوله
_____________كانت كذا احلامنا تحرج السرب
من فوقنا غيمة اماني هطوله
__________تقل " اماني " طشطشت فوقها لعب
امشي واشوف ظلالها كيف طوله
__________زاد ونمى فيه الزهر واخضر العشب
حتّى ظلالي مال وبانت ميوله
____________مدري ظلالي بالفعل زانه السلب
والليل ناديناه نرجي حلوله
__________حتّى لمع له سنّ من ضحكه العذب
نجمه وقلنا حلمنا مانطوله
________________او كنّها دير المنى مالها درب
اكتم كلامي تقول : ياهيه قوله
______________لعيونها قلت السكوت اغلبه ذرب
قالت: احبّك قلت : روحي تقوله
_________________قالت: احبّك زايفه كلّها كذب
شفت البنيّه وش كثر هي جهوله
______________يعني قبل ماكانت تقول : ياقلب !





ألف باقة ودّ لـ مروركم

 

عبدالعزيز رشيد غير متصل   رد مع اقتباس