معدل تقييم المستوى: 756
(........................ ) يتصل بك ...!!
( 1 ) فهد يتصل بك : فهد : صباح الخير علي : هلا فهد فهد : للحين زعلان يالدب علي : يالحبيب تأكد من الرقم انت داق تبي واحد زعلان انا مازعلت فهد : من جدك انت مازعلت علي : ماعمري زعلت من أحد اخلص وش تبي يالقزم بكمل نومي فهد : مخلي الطول لك يا مايكل جوردن علي : ههههههههههههههههههههههههههه والله يافهد فيني نوم مانمت زين البارح ومالي خلق أمرمط بشعورك يارهيف الإحساس فهد : طيب بخليك تنام متى تصحى ؟؟ علي : بالعاده اصحى قبل العصافير عشان اروح للدوام اليوم ماراح أصحى الا إذا نامو العصافير فهد : طيب افرض انه فيه عصافير بتسهر الليله وماراح ينامون يعني ماراح تصحى علي : فهد ياحبيب قلبي اول ما أصحى بدق عليك وأي عصفور بلقاه صاحي بنتف ريشه بس يرحم والديك خلني انام فهد : نوم العوافي اول ماتصحى كلمني علي : ان شاء الله فهد ( 2 ) ميرندا فراوله يتصل بك : ميرندا فراوله : الووووووووو ... وحشتني ياأحلى أخو بالدنيا علي : لحووووووووول الله يعين بس .. نعم وش تبين يالمرجوجه انا نايم وبعدين كل يوم والثاني تقولين احلى اخو بالدنيا ترى مالك الا اخو واحد يامقرودة الحظ يعني لو أنا مت ماراح تصيرين عمه ميرندا فراوله : وجع بسم الله عليك الله يخليك لنا وبعدين من زينك يالشبيره ( تصغير شبر ) تتغلى علينا أمي منهبله تبي تشوفك وينك من زمان ماجيت ياحرامي الشباصات بس تسرق شباصاتي علي : تعرفين عزوبي واحتاج شباصاتك بنشر الغسيل وبعدين انتي ووجهك اذا انا اسرق شباصاتك انتي ماخليتي شي براتبي من كثر طلباتك ( أروح لك فدوه انا وراتبي ) ميرندا فراوله : طيب متى بتجي ؟؟ علي : قريب ان شاء الله .. ليه محتاجه شي طال عمرك تبين اسدد فاتورتك والا تبين فلوس قولي وش تبين ؟؟ ميرندا فراوله : الحين من قال اني داقه عشان هالشي أصلاً انا لقيت وظيفه وراتبها حلو علي : اقول الله يخلف على اللي بتتوظفين عندهم ... مساكين طاحو فيك يالكابوي ميرندا فراوله : احترم نفسك انا مو كابوي علي : نسينا الحفله التنكريه اللي سويتوها انتم وبنات عمي ترى امي علمتني بكل شي انتي كابوي وفلانه رجل مطافي و ,,, و ,,, و الباقي ماتغير ميرندا فراوله : ايواااااااا انت كل همك فلانه مالت على حظها ان كانها بتآخذك مارحمت الا عيالكم والله من زين الأم والأبو علي : يؤ يؤ هههههههههههههههههههههههههههه طيب هي وش ذنبها انا معاك يوم تقولين والله من زين الأبو بس هي بصراحه تنفع ام ميرندا فراوله : الله يخليها لأهلها هي حبوبه وحسافه عليك يالماصل علي : هذي نتيجة الدلع قاعده تهزئين بأخوك الكبير والوحيد لكن يالله وش بيدي الا اتحمل . ميرندا فراوله : يوووووووه والله امزح معاك يالدب بس بجد نبي نشوفك مره وحشتنا علي : ان شاء الله يالغاليه سلمي لي على امي وابوي وخواتي ميرندا فراوله : Ok يالله اخليك تنام .. احلام سعيده علي : الله يسعد قلبك ميرندا فراوله : لحظه لحظه ياشبيرتي علي : هلا ميرندا فراوله : وش الشي اللي يمشي فوق الجدار ويقول مياااااااااو ولونه أسود علي : بسه سوداء ميرندا فراوله : لا ..... علي : أجل ايش ؟؟ ميرندا فراوله : غراب يستهبل .. هع هع هع نيههههههاااااااااااااي علي : هههههههههههههههههههههههههههههههههههههههههههههههههه ه يالله وريني عرض أكاتفك يامجنونه ميرندا فراوله : باي علي : باي
رسمت أحلى معاناتي بلوحاتي سما وغيوم و ليلٍ طالت دروبـه ولكنـي تحديته حبيب الأمس إذكرني أنا بفكرك بقايا حلوم نسيت تذكر ليالينا وطير الشوق هدّيته saud_t.t@hotmail.com